സര്ക്കാർ ജീവനക്കാർ ട്യൂഷനെടുക്കരുത്, കോച്ചിങ് സെന്ററുകൾ നടത്തരുത്; കര്ശന നടപടിക്ക് നീക്കം.
സര്ക്കാർ ജീവനക്കാർക്ക് ട്യൂഷൻ സെന്ററുകളോ കോച്ചിങ് സെന്ററുകളോ നടത്താൻ കഴിയില്ലെന്ന് വ്യക്തമാക്കി കേരള സര്വീസ് റൂൾസ് ഭേദഗതി ചെയ്തു. സർക്കാർ ഉദ്യോഗസ്ഥരിൽ ചിലർ ജോലിയുടെ ഇടവേളകളിൽ ഇത്തരം സെന്ററുകളിൽ ജോലി ചെയ്യുന്നതായി പരാതികള് ലഭിച്ചതിനെ തുടർന്നാണ് നടപടി. ഇത്തരത്തില് കണ്ടെത്തിയാല് വകുപ്പുതല അന്വേഷണത്തിനു ശേഷം കര്ശന നടപടി സ്വീകരിക്കും.
ട്യൂഷൻ, കോച്ചിങ് സെന്ററുകളിൽ ജോലി ചെയ്യരുതെന്ന് നിർദ്ദേശിച്ച് 2020 നവംബറിൽ ഭരണപരിഷ്ക്കാര വകുപ്പ് സർക്കുലർ ഇറക്കിയിരുന്നു. ഈ സർക്കുലറിനു നിയമപരമായി അംഗീകാരം ലഭിക്കുന്നതിനാണ് കെഎസ്ആറിൽ ഭേദഗതി വരുത്തി വിജ്ഞാപനം ഇറക്കിയത്.
