മദ്യശാലയ്ക്ക് സമീപം പെട്രോൾ ബോംബ് എറിഞ്ഞ സംഭവം: പ്രതി റിമാൻറിൽ.
കുമളി: സർക്കാർ മദ്യ വിൽപ്പനശാലയ്ക്ക് സമീപം പെട്രോൾ ബോംബെറിഞ്ഞ് യുവാവിന് പൊള്ളലേറ്റ സംഭവത്തിൽ പ്രതിയെ പോലീസ് അറസ്റ്റു ചെയ്ത് കോടതിയിൽ ഹാജരാക്കി റിമാൻ്റ് ചെയ്തു.
കുമളി, ചെളിമട സ്വദേശി മണി (65) ആണ് അറസ്റ്റിലായത്.കഴിഞ്ഞ ഡിസംബർ 6 ന് രാത്രിക്കാണ് കേസിനാസ്പദമായ സംഭവം.
പെട്രോൾ ബോംബേറിൽ ആനവിലാസം സ്വദേശി പ്രിൻസിനാണ് പരിക്കേറ്റത്.ഇരുവരും തമ്മിലുണ്ടായ വാക്കേറ്റമാണ് പെട്രോൾ ബോംബേറിൽ കലാശിച്ചത്.സംഘട്ടനത്തിനിടെ പരിക്കേറ്റ മണി കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. ഇവിടെ നിന്നും പുറത്ത് വന്നതോടെയാണ് അറസ്റ്റ് ചെയ്തത്.
………
