കുമളിയിൽ ഹിന്ദു ഏകതാ സമ്മേളനത്തിന് മുന്നോടിയായി ചിത്രരചന, ക്വിസ് മത്സരങ്ങൾ സംഘടിപ്പിച്ചു.
കുമളി: ഫെബ്രുവരി 22-ന് കുമളിയിൽ നടക്കാനിരിക്കുന്ന ഹിന്ദു ഏകതാ സമ്മേളനത്തിന്റെ ഭാഗമായി വിവിധ മത്സരങ്ങൾ സംഘടിപ്പിച്ചു. കുമളി ഡി.ടി.പി.സി ഹാളിൽ വച്ച് നടന്ന ചിത്രരചന, ക്വിസ് മത്സരങ്ങൾ നാട്ടുകാരുടെയും വിദ്യാർത്ഥികളുടെയും പങ്കാളിത്തം കൊണ്ട് ശ്രദ്ധേയമായി.
പരിപാടിയുടെ ഔദ്യോഗിക ഉദ്ഘാടനം തേക്കടി ദേവീക്ഷേത്രം മേൽശാന്തി സുനിൽ ശർമ്മ നിർവഹിച്ചു. ഹിന്ദു ഏകതാ സമിതി ചെയർമാൻ സജി വെമ്പിള്ളി അധ്യക്ഷത വഹിച്ച ചടങ്ങിൽ സതീഷ് പുല്ലാട്ട്, പി.വി. സന്തോഷ് എന്നിവർ സംസാരിച്ചു.
സമ്മേളനത്തിന്റെ വിജയത്തിനായി രൂപീകരിച്ച സ്വാഗതസംഘം ഭാരവാഹികളായ സാബു കെ.എസ്, മധു അശോകൻ, ഹരീഷ് വിശ്വകർമ്മ, നിഖിൽ റെജി എന്നിവർ പരിപാടികൾക്ക് നേതൃത്വം നൽകി. വരും ദിവസങ്ങളിലും സമ്മേളനത്തിന്റെ ഭാഗമായി കൂടുതൽ അനുബന്ധ പരിപാടികൾ നടക്കുമെന്ന് സംഘാടകർ അറിയിച്ചു.
