കേരളത്തിൽ കൊവിഡ് നിയന്ത്രണങ്ങൾക്ക് ഇളവ് നൽകിയതിനെതിരെ സുപ്രീം കോടതിയിൽ ഹർജി
ബക്രീദിനോടനുബന്ധിച്ച് കേരളത്തിൽ കൊവിഡ് നിയന്ത്രണങ്ങൾക്ക് ഇളവ് നൽകിയതിന് എതിരെ സുപ്രീം കോടതിയിൽ ഹർജി.വ്യവസായി പി. കെ. ഡി. നമ്പ്യാർ ആണ് ഹർജി നൽകിയിരിക്കുന്നത്. ഹർജി ഇന്ന് സുപ്രീംകോടതി പരിഗണിച്ചേക്കും.ബക്രീദിനോടനുബന്ധിച്ച് ഞായർ, തിങ്കൾ, ചൊവ്വ ദിവസങ്ങളിലാണ് കടകൾ എല്ലാം തുറക്കാൻ സർക്കാർ അനുമതി നൽകിയത്. സർക്കാരിന്റെ ഈ നീക്കത്തിനെതിരെ ഇന്ത്യൻ മെഡിക്കൽ അസോസിയേഷനും ഇന്നലെ രംഗത്തെത്തിയിരുന്നു. മൂന്നാം തരംഗം പടിവാതിലിൽ എത്തി നിൽക്കെ നിയന്ത്രണങ്ങളിലെ ഇളവ് രോഗബാധ കൂട്ടിയേക്കാമെന്നാണ് നിഗമനം.
