കോപ്പാ അമേരിക്ക : അർജൻ്റീന ജേതാക്കൾ.

കോപ്പാ അമേരിക്ക ഫുട്ബോൾ മത്സരത്തിൻ്റെ സ്വപ്ന ഫൈനലിൽ ആതിഥേയരായ അർജന്റീന ജേതാക്കളായി. നിരവധി ഫൗൾ കാർഡുകൾ ഉയർന്ന മത്സരത്തിൽ, 22-ാം മിനിട്ടിൽ ഡി മരിയ നേടിയ ഒരു ഗോളിനാണ് അർജൻ്റീന ജയിച്ചത്. ഫുട്ബോൾ ലോകത്തെ പ്രഗത്ഭരായ മെസ്സിയും നെയ്മറും നേർക്കുനേർ കൊമ്പുകോർത്ത മത്സരത്തിൽ, ബ്രസീലിന് ലഭിച്ച ഗോൾ അവസരങ്ങൾ ഒന്നും വലയിലെത്തിക്കാനായില്ല. അർജൻ്റീനയുടെ ഗോൾ കീപ്പർ എമിലിയാനോ മാർട്ടിനസിൻ്റെ പ്രകടനം മികച്ചു നിന്നു.