സര്ക്കാര് ജീവനക്കാര് നാളെ ജോലിക്ക് ഹാജരാകണം
തിരു.: സര്ക്കാര് ജീവനക്കാര് നാളെ ജോലിക്ക് ഹാജരാകണമെന്ന് ഉത്തരവ്. ഹൈക്കോടതി നിര്ദ്ദേശ പ്രകാരം ചീഫ് സെക്രട്ടറിയാണ് ഉത്തരവിട്ടത്. അത്യാവശ്യ കാര്യങ്ങള്ക്കല്ലാതെ ലീവ് എടുക്കരുതെന്നും ജോലിക്ക് ഹാജരാകാത്തവര്ക്ക് ഡയസ്നോണ് ബാധകമായിരിക്കുമെന്നും ഉത്തരവിലുണ്ട്. സര്ക്കാര് ഉദ്യോഗസ്ഥര് പണിമുടക്ക് സമരത്തില് ഏര്പ്പെടുന്നത് തടയാന് നിയമ നിര്മ്മാണം നടത്തണമെന്ന് സംസ്ഥാന സര്ക്കാറിനോട് ഇന്ന് ഹൈക്കോടതി നിര്ദ്ദേശിച്ചിരുന്നു. സര്ക്കാര് ജീവനക്കാരുടെ പണിമുടക്ക് ചട്ടവിരുദ്ധവും നിയമവിരുദ്ധവുമാണെന്ന് ഹൈക്കോടതി ചൂണ്ടിക്കാട്ടി. ചീഫ് ജസ്റ്റിസ് അദ്ധ്യക്ഷനായ ഡിവിഷന് ബെഞ്ചിന്റെ ഇടക്കാല ഉത്തരവാണിത്. നിയമനിര്മ്മാണം നടത്താത്തത് പണിമുടക്കുന്ന ജീവനക്കാര്ക്ക് പ്രോത്സാഹനം നല്കുന്നതാണെന്നും കോടതി നിരീക്ഷിച്ചു. ജോലിക്ക് എത്തുന്ന ജീവനക്കാര്ക്ക് ഗതാഗത സൗകര്യം ഉറപ്പാക്കണം. ചീഫ് സെക്രട്ടറി ധനകാര്യ- പൊതുഭരണ സെക്രട്ടറിമാര് എന്നിവര് സമരം തടഞ്ഞ് ഉത്തരവ് പുറപ്പെടുവിക്കണം. ജീവനക്കാര് ജോലിക്കെത്താന് വകുപ്പ് മേധാവിമാര്ക്ക് ഇവര് നിര്ദ്ദേശം നല്കണമെന്നും കോടതി ഉത്തരവില് പറയുന്നു.
