ഒൻപതാം ക്ലാസ് വിദ്യാര്ഥി ഓണ്ലൈന് ഗെയിമിലൂടെ നഷ്ടപ്പെടുത്തിയത് 3 ലക്ഷത്തോളം രൂപ.
ആലുവ: 9 -താം ക്ലാസ് വിദ്യാര്ഥി ഓണ്ലൈന് ഗെയിമിലൂടെ നഷ്ടപ്പെടുത്തിയത് മൂന്നു ലക്ഷത്തോളം രൂപ. വിദ്യാര്ഥിയുടെ അമ്മയുടെ അക്കൗണ്ടില്നിന്നാണ് ഇത്രയും രൂപ നഷ്ടമായത്. സൈബര് പോലീസില് വീട്ടമ്മ പണം നഷ്ടപ്പെട്ടെന്ന് പരാതി നല്കിയിരുന്നു. തുടര്ന് നടത്തിയ അന്വേഷണത്തില് ആണ് ഇത് കണ്ടെത്തിയത്.ഒരുസമയം 40 രൂപ മുതല് നാലായിരം രൂപ വരെ ചാര്ജ് ചെയ്തായിരുന്നു കളി. പണം അകൗണ്ടില് നിന്ന് പോകുന്നതായി അവിചാരിതമായി അക്കൗണ്ട് പരിശോധിച്ചപ്പോഴാണ് അറിഞ്ഞത്. ജില്ലാ പോലീസ് മേധാവിക്ക് പരാതി നല്കുകയും ഫ്രീ ഫയര് എന്ന ഗെയിം കളിച്ചാണ് പണം നഷ്ടപ്പെടുത്തിയതെന്ന് കണ്ടെത്തുകയും ചെയ്തു. ഈ വിദ്യാര്ഥി ഒരു ദിവസംതന്നെ പത്തു പ്രാവശ്യം വരെ ചാര്ജ് ചെയ്തിരുന്നു. മാതാപിതാക്കള് കുട്ടികള് ഫോണ് ഉപയോഗിക്കുന്നതുമായി ബന്ധപ്പെട്ടു കൂടുതല് ശ്രദ്ധ ചെലുത്തണമെന്ന് എസ്പി കാര്ത്തിക് മുന്നറിയിപ്പ് നല്കി.
